• (29-04-2019)
  - Menú Especial Xornadas Portas Abertas 2019

         

Os viñedos e as formas tradicionais de plantación, as travesas, as covas, variedades, os gardaviñas, a cultura do viño, tradicións, ditos, as formas de traballar a viña, os apeiros que se axeitan a cada tipo de solo, etc. Todo isto conforma a "Paisaxe e Patrimonio Vitícola de Valdeorras" que o fai singular, a vez que nos achega as outras zonas de viño.

Desde tempos inmemoriais transmitiuse coñecemento do territorio e saber facer, adaptándose e perfeccionándose ata hoxe. O sector do viño chega á actualidade especialmente sensibilizado coa preservación deste patrimonio común que son os espazos nos que está inserido, polo importante valor que teñen en sí mesmos, tamén por que reflicten a calidade dos seus viños mais o potencial que lles queda por descubrir.

Expresamos a nosa gratitude aos que traballaron e mimaron estas terras permitíndonos gozalas, nos comprometemos na mesma tarefa e convidamos a todos os amantes do viño, da natureza e da vida, a todos, a que coiden e transmitan este tesouro porque só nos é prestado.

Ruta do Viño Valdeorras - Todos os dereitos reservados 2011